Avvalroq, Navoiy shahar obodonlashtirish boshqarmasining sobiq boshlig‘i Yusuf Tursunov 1 milliard 53 million so‘m budjet mablag‘larini o‘zlashtirishda aybdor deb topilgan edi.

Navoiy shahar sudining 2021-yil 4-martdagi hukmi bilan mansabdor shaxs O‘zbekiston Respublikasi Jinoyat kodeksining 167-moddasining 3-qismi “a” bandida nazarda tutilgan jinoyatni sodir etganlikda aybdor deb topilgan. Unga oylik maoshining 10 foizini ayirib tashlagan holda 2 yil 7 oy axloq tuzatish ishlari jazosi tayinlangandi.

Shuningdek, u 1 yil 6 oy muddatga rahbarlik va moddiy javobgarlik bilan bog‘liq lavozimlarni egallash huquqidan mahrum etilgan.

Biroq shunga qaramay, Yusuf Tursunov Navoiy shahar obodonlashtirish boshqarmasi boshlig‘i lavozimiga qayta tayinlandi. Joriy yilning 21-iyun kunidagi tegishli qarorni shahar hokimi Muratxon Egamqulov imzolagan.

• Navoiy
• Obodonlashtirish