Qozog‘istonning sobiq prezidenti Nursulton Nazarboyevning katta jiyani Qayrat Satibaldiuli 6 yilga ozodlikdan mahrum etildi. U jazoni o‘rtacha xavfsizlik muassasasida o‘taydi.
Jinoyat ishi Ostona shahrining Boyqo‘ng‘ir tumani 2-sonli sudida ko‘rib chiqildi.
Qayd etilishicha, Qayrat Satibaldiuliga “Kazaktelekom”ni yirik miqdorda o‘zlashtirish, soliq to‘lashdan bo‘yin tovlash va jinoiy daromadlarni qonuniylashtirish (Jinoyat kodeksining “Aldash yoki ishonchni suiiste’mol qilish yo‘li bilan mulkiy zarar yetkazish” va “O‘zganing mulkini o‘zlashtirish yoki o‘g‘irlash” moddalari) bilan ayblangan.
“Qayrat Satibaldiuli Qozog‘iston Respublikasi jinoyat kodekisining 28-modda 3-qismi; 189-modda 4-qismi 2-bandi; 195-modda 4-qismi 2-bandi bilan aybdor deb topilsin. Uning mol-mulki musodara qilingan holda 6 yilga ozodlikdan mahrum qilish jazosi tayinlansin”, — deya hukmni Ostona shahrining Boyqo‘ng‘ir tumani 2-sonli sudi sudyasi Nurlan Bayaxmetov o‘qib eshittirdi.
Sotibaldiuli, shuningdek, milliy xavfsizlik idoralari general-mayori unvoni, shuningdek, “Qurmet” va “Parasat” ordenlaridan mahrum qilindi va 10 yil muddatga muayyan lavozimlarda ishlash taqiqlandi.
U jazoni o‘rtacha xavfsizlik muassasasida o‘taydi. 2022-yil 13-martdan hukm qonuniy kuchga kirgunga qadar qamoqqa olingan vaqt bir yarim sutka uchun bir sutkalik hisobda jazo muddatiga hisoblanadi.
Avvalroq, sudda prokuror Jangeldi Yesebaev Satibaldiuliga mol-mulkini musodara qilish bilan olti yil muddat so‘ragan , keyin sudlanuvchi o‘z aybiga iqror bo‘lgan edi.
Ishda ishtirok etayotgan boshqa ayblanuvchilar – Marat Muhamedjanuli va G‘ani Beketovlar ham aybdor deb topilib, ular ham 6 yilga ozodlikdan mahrum etildi, jazo shartli bo‘ladi.
Sud 2018-2021-yillarda Satibaldiuli Muxamedjanuli va Beketov bilan til biriktirib, Transport xizmati markazidan mablag‘larni o‘g‘irlashni uyushtirgani oqibatida markaz 28 milliard tengedan ortiq zarar ko‘rganini aniqlagan.
O‘z navbatida, Chingiz Qo‘ng‘irboyev va Leonid Muravyov 2 yilu 6 oyga ozodlikdan mahrum etildi. Ularning jazosi ham shartli hisoblanadi.
Qo‘nirbayev va Muravyov bilan til biriktirib, Satibaldyuli “Kazaktelekom” AK telekommunikatsiya xizmatlarini qayta sotish va aloqa kanallarini yuqori bahoda ijaraga berish orqali “Kazaktelekom”ga 12 milliard tengedan ortiq moddiy zarar yetkazgan. To‘rt nafar sudlanuvchi ustidan sinov nazorati o‘rnatildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!