“Santos” hujumchisi Neymar Braziliya terma jamoasi JCh–2026dan chiqib ketganidan so‘ng faoliyatini yakunlashi mumkin. Bu haqda UOL nashri xabar berdi.

Manbaga ko‘ra, klub 34 yoshli futbolchiga dam olish hamda kelajagi borasida yakuniy qaror qabul qilishi uchun 10 kun muhlat bergan. Katta ehtimol bilan, hujumchi jamoaga qaytadi va yil yakuniga qadar mo‘ljallangan shartnomasini oxirigacha yetkazadi. Shunga qaramay, JCh–2026dagi muvaffaqiyatsizlikdan keyin futbolchi ruhiy tushkunlikni boshdan kechirmoqda. U Braziliya terma jamoasi safidagi 15 yillik faoliyati davomida qilgan xizmatlari munosib baholanmadi deb hisoblaydi. Shu sababli Neymar bosim kamroq bo‘lgan boshqa klubga o‘tish yoki faoliyatini butunlay yakunlash variantlarini ham ko‘rib chiqmoqda. Yaqin kunlarda braziliyalik futbolchi o‘z kelajagini “Santos” rahbariyati bilan muhokama qiladi.

• Braziliya
• Futbol
• Jahon chempionati
• Neymar
• Sport