Boshqirdistonning UFA shahrida uy hayvonlari sabab uy egasining kvartirasida tasodifan yong‘in boshlandi. Bu haqda Rossiya Favqulodda vaziyatlar vazirligi rasmiy Telegram kanalida xabar berildi.

Qayd etilishicha, ko‘p qavatli uy aholisi tez yordam xizmatiga qo‘ng‘iroq qilib, kiraverishda kuchli yong‘in hidi paydo bo‘lganligi haqida xabar bergan.

Uyni ochgan vaqtida esa uy egalari yo‘qligi va uyda faqat beshta mushuk Masha, Motya, Musya, Sima va Vasya bor ekanligi malum bo‘lgan. O‘sha vaqtda ham  pechkada ovqat solingan idishlar yonib turgan.

FVVning ma’lum qilishicha, och qolgan uy hayvonlari oziq-ovqat izlab, induksion pechka ustiga chiqib, panjalari bilan uni yoqishgan.

Shuningdek, kirish joyidan to‘rt kishini evakuatsiya qilishgan va yong‘inni o‘chirishgan.

• Boshqirdiston
• mushuk
• yong‘in