Ayni kunlarda Bahraynning Manama shahrida ogʻir atletika boʻyicha kattalar oʻrtasidagi Osiyo chempionati boʻlib oʻtmoqda.

Unda ishtirok etayotgan Oʻzbekiston delegatsiyasi -73 kg vazn toifasida bahs olib borgan Doston Yoqubov dast koʻtarish mashqida 140 kg bilan bronza medaliga, siltab koʻtarishda 182 kg va ikkikurashda 322 kg bilan mutlaq Osiyo chempioni boʻldi.

Natijalar:

Doston Yoqubov – 322kg (140+182 Oʻzbekiston)

Xiang Shulin – 321 (143+178 Xitoy)

Almazdani Nafav – 309 (139+170 Saudiy Arabistoni)

Qayd etish mumkin, musobaqaning ikkinchi kun dasturida Oʻzbekistonning boshqa bir vakili Nigora Abdullayeva 87 kg bilan dast koʻtarishda, ikkikurash bahslariga koʻra esa jami 193 kg ogʻirlikni boʻysundirib bronza medaliga ega chiqdi.

Uchinchi kun dasturida esa -67 kg vazn toifasida bahs olib borgan Adhamjon Ergashev dast koʻtarish mashqida 138 kg, siltab koʻtarishda 176 kg, ikki kurash boʻyicha 314 kg natija bilan mutlaq Jahon chempionligini qoʻlga kiritgan edi.

• Og‘ir atletika
• Osiyo Chempionati
• O‘zbekiston