Do‘kondor Hoji Hasan sharafiga Eronning Zanjon shahrida yodgorlik o‘rnatilgan. Uning tarixi esa g‘oyatda ibratli.

Bir kuni uning do‘koniga kimdir kiradi va velosipedini Hoji Hasanga omonat sifatida qoldirib, negadir qaytib kelmaydi. Hoji Hasan velosipedni har kuni ertalab do‘kon tashqarisiga olib chiqar, egasi kelmagach kechki payt ichkariga olib kirib qo‘yar edi. Bu holat 45 yil davom etdi, Hoji Hasan shuncha payt omonatning egasini kutdi. Hoji Hasan olamdan o‘tguncha ham velosiped egasi topilmadi.

Uning vafotidan keyin hukumat shahar markazida do‘kondor va velosipedga monument o‘rnatdi. Odamlar uni “Va’daga vafo yodgorligi” deyishadi.

• Eron
• ilm-fan