Marg‘ilon shahrida barpo etilgan “Burhoniddin Marg‘inoniy ilmiy-ma’rifiy va turizm majmuasi” Farg‘ona vodiysidagi eng yirik zamonaviy loyihalardan biri hisoblanadi. Majmua “shahar ichida shahar” tamoyili asosida qurilgan bo‘lib, u yerda ilm, madaniyat va turizm yo‘nalishlari birlashtirilgan. Majmua ichida eng diqqatga sazovor joylardan biri — “Otabek va Kumush uyi” muzeyi. Bu yerda Abdulla Qodiriyning mashhur “O‘tkan kunlar” romanidagi sahnalar asosida maxsus tarixiy hovli qurilib, o‘sha davr muhiti jonlantirilgan.

Tashrif buyuruvchilar bu yerga kirganda XIX asr oxiri va XX asr boshlariga xos milliy uy muhitini ko‘radi, romandagi voqealar ruhini his qiladi va o‘zini go‘yo asar ichiga kirgandek his etadi.Majmua tarkibida mehmonxona, karvonsaroy, hunarmandchilik markazi, muzeylar, milliy bozor, maqom teatri va kutubxona kabi bir qator obyektlar ham mavjud.

Bu esa uni nafaqat sayyohlik maskani, balki ma’naviy-ma’rifiy markazga ham aylantiradi. “Burhoniddin Marg‘inoniy” majmuasi — tarix va zamonaviylik uyg‘unlashgan maskan bo‘lib, uning ichidagi “O‘tkan kunlar” sahnasi jonlantirilgani tashrif buyuruvchilar uchun o‘ziga xos jonli muzeyga aylantirgan.