8–12-noyabr kunlari Turkiyada “Korkut Ata” turkiy tilli davlatlar xalqaro kinofestivali boʻlib oʻtdi. Bu haqda Kinematografiya agentligi xabar berdi.
Mazkur kinofestivalda Rashid Malikovning Kinematografiya agentligi buyurtmasiga binoan suratga olingan “Tutqunlik” filmi hayʼat aʼzolarining maxsus mukofoti bilan taqdirlandi. Ali Hamroyevning “Xalq jasorati” filmi esa hujjatli kino yoʻnalishida ikkinchi oʻrinni qoʻlga kiritdi.
Shuningdek, Oʻzbekiston Kinematografiya agentligi Bosh direktori Firdavs Abduxoliqovga “Turkiy dunyo madaniyatiga qoʻshgan hissasi uchun” maxsus mukofoti topshirildi.
Kinofestival davomida oʻzbek delegatsiyasi tomondan turli kompaniyalar bilan hamkorlik kelishuvlariga erishildi.
Festivalda Turkiya madaniyat va turizm vaziri Ahmet Demirkan hamkorlik haqida fikr bildirdi.
“Endilikda biz Oʻzbekiston Kinematografiya agentligi bilan aloqalarni oʻrnatamiz, hamkorlikda xalqaro kino loyihalar ishlaymiz. Oʻylaymanki, bu hamkorligimiz katta natijalar beradi” – dedi madaniyat va turizm vaziri.
Shuningdek festival davomida oʻzbek kinosi kuni oʻtkazilib, “Tutqunlik”, “Xalq jasorati” filmlaridan tashqari Jahongir Ahmedovning “Ilhaq” kartinasi premyerasi boʻlib oʻtdi. Shu bilan birga, Turkiya telekanallarida oʻzbek filmlari namoyishi etildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!