O‘zbekistonda 2025-yilda vafot etganlar soni 177 104 kishini tashkil etdi. Milliy statistika qo‘mitasi ma’lumotlariga ko‘ra, bu ko‘rsatkich 2024-yilga nisbatan 2,7 ming kishiga oshgan.

Bir yil davomida vafot etganlarning 55,1 foizini erkaklar (97,5 ming kishi), 45,9 foizini ayollar (81,4 ming) tashkil etgan. Vafot etganlarning 54,1 foizi shahar joylarida yashovchilar (95,7ming kishi), 45,9 foizini qishloq joylarida yashovchilar bo‘lgan (81,4 ming kishi).

Ularning o‘lim sabablari tahlil qilinganda fuqarolar eng ko‘p qon aylanish sistemasi kasalliklaridan vafot etgan.

Hududlar kesimida o‘rganilganda o‘lim ko‘rsatkichi eng yuqori bo‘lgan hudud Samarqand viloyati (19 670 nafar), eng past ko‘rsatkich esa Sirdaryo viloyati (4624 nafar)ga tog‘ri kelgan.

• Kasallik
• O'lim
• O‘zbekiston
• Qon-tomirlar
• Samarqand
• Sirdaryo
• statistika