Oʻzbekistonda Soliq ilovasi orqali isteʼmolchilarga yil boshidan beri 180,5 milliard soʻm keshbek toʻlab berildi. Bu haqida Davlat soliq qoʻmitasi matbuot xizmati xabar berdi.

Ta’kidlanishicha, may oyi uchun 509 781 nafar isteʼmolchiga 53,8 milliard soʻm keshbek toʻlangan.

Shuningdek, kamchiliklar bartaraf etilishi natijasida yanvar-aprel oylari uchun yana 1,8 milliard soʻm keshbek tasdiqlangan.

“Yil boshidan buyon 673 597 nafar fuqaroga 180,5 milliard soʻm keshbek toʻlab berildi”, deyiladi xabarda.

DSQning ma’lum qilishicha, tasdiqlangan keshbek summasini 27 iyundan boshlab bank plastik kartalariga oʻtkazib olish mumkin.

• DSQ
• Keshbek
• Soliq