31°
Kechasi 18°
O‘zbekistonda o‘rtacha oylik pensiya miqdori so‘nggi 10 yil ichida 3,3 baravarga oshgan. Milliy statistika qo‘mitasi ma’lumotlariga ko‘ra, 2025-yilda mamlakatda o‘rtacha oylik pensiya 1 million 649,2 ming so‘mni tashkil etgan.
Bu ko‘rsatkich 2016-yildagi 494,2 ming so‘mga nisbatan 3,3 baravar yuqori.
2016-yil — 494,2 ming so‘m;
2017-yil — 556,8 ming so‘m;
2018-yil — 640,5 ming so‘m;
2019-yil — 733,2 ming so‘m;
2020-yil — 848,5 ming so‘m;
2021-yil — 963,6 ming so‘m;
2022-yil — 1 million 80,8 ming so‘m;
2023-yil — 1 million 234,5 ming so‘m;
2024-yil — 1 million 495,6 ming so‘m;
2025-yil — 1 million 649,2 ming so‘m.
Iqtisodiyot va moliya vazirligi tomonidan tayyorlangan fiskal strategiyada o‘rtacha pensiya miqdori kelgusi yillarda ham bosqichma-bosqich oshib borishi prognoz qilingan.
Unga ko‘ra, hozirda qariyb 1,7 million so‘m bo‘lgan o‘rtacha pensiya 2027-yilda 1,8 million so‘mga, 2028-yilda 1,9 million so‘mga, 2029-yilga kelib esa 2,1 million so‘mga yetishi kutilmoqda.
Pensiya oluvchilar soni ham ortib bormoqda. 2026-yilda 4 million 427 ming nafarni tashkil etishi kutilayotgan pensionerlar soni 2027-yilda 4 million 592 ming, 2028-yilda 4 million 760 ming va 2029-yilga borib 4 million 940 ming nafarga yetishi prognoz qilinmoqda.
Hududlar kesimida eng ko‘p pensioner Farg‘ona viloyatida yashaydi. Bu yerda har sakkiz kishidan biri pensioner hisoblanadi.
Farg‘ona, Samarqand, Andijon va Qashqadaryo viloyatlarida mamlakatdagi jami pensionerlarning 41 foizi istiqomat qiladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
