Britaniyalik aktyor Tim Karri 80 yoshida vafot etdi. U 25-avgust kuni Los-Anjelesdagi uyida hayotdan ko‘z yumgan. Aktyorning o‘limi sababi hozircha ma’lum qilinmagan. Bu haqda Reuters xabar berdi.

1946-yilda Angliyada tug‘ilgan Tim Karri ijodiy faoliyatini teatr sahnasida boshlagan. Keyinchalik AQSHga ko‘chib o‘tib, faoliyatining katta qismini Gollivudda davom ettirgan.

Karri o‘zbek tomoshabinlariga, avvalo, “Uyda yolg‘iz 2: Nyu-Yorkda adashgan” filmidagi “Plaza” mehmonxonasi xodimi janob Hektor obrazi orqali tanish.

Aktyorga jahon miqyosida shuhrat keltirgan rollardan biri esa 1975-yilda suratga olingan “The Rocky Horror Picture Show” filmidagi doktor Frank-N-Furter obrazi bo‘lgan.

Tim Karri 2012-yilda insultni boshdan kechirgan. Shunga qaramay, u keyingi yillarda ham ijodiy faoliyatini davom ettirib, turli ovozli rollar va boshqa loyihalarda ishtirok etgan.

Tim Karri o‘zining yorqin teatr, kino va ovozli ijrolari bilan kino tarixida o‘chmas iz qoldirdi.