“O‘zagroeksportbank” ustav kapitalidagi 100 foiz davlat aksiya paketi “Sovkombank” tomonidan sotib olindi. Bu haqida Davlat aktivlarini boshqarish agentligi matbuot xizmati xabar berdi.

Ma’lum bo‘lishicha, “O‘zagroeksportbank” aksiyadorlik tijorat bankining ustav kapitalidagi 100 foiz davlat aksiya paketini “Sovkombank” (Rossiya) bilan 4,0 million dollarga sotish yuzasidan kelishuvga erishilganin.

Qayd etilishicha, Prezidentning “2020-2025-yillarga mo‘ljallangan O‘zbekiston Respublikasining bank tizimini isloh qilish strategiyasi to‘g‘risida” 2020-yil 12-maydagi farmoniga muvofiq hamda xalqaro talablardan kelib chiqib, “O‘zagroeksportbank” faoliyati tahlili (due diligence) natijalari va xususiylashtirish bo‘yicha konsultant tavsiyasiga ko‘ra tijorat bankining 100 foiz davlat aksiya paketini yaxlit holda, raqobatga asoslangan ommaviy oshkora sotuv jarayoni amalga oshirilgan.

Shuningdek, sotish jarayoniga xususiylashtirish bo‘yicha konsultant sifatida Grant Thornton va baholash uchun KPMG xalqaro kompaniyalari jalb etilgan.

• Bank
• Davaktiv
• Rossiya