2025-yilning yanvar–iyul oylarida Qozog‘istondan 1,5 million nafar fuqaro O‘zbekistonga tashrif buyurgan, bu ko‘rsatkich o‘tgan yilning shu davriga nisbatan 620,7 ming nafarga yoki 39,3 foizga ko‘pdir. Milliy statistika qo‘mitasi ma’lumotlariga ko‘ra, qozog‘istonlik sayyohlarning asosiy qismi — 1,2 million nafardan ortig‘i qarindoshlarini yo‘qlash maqsadida kelgan.

Shuningdek, 111,5 ming kishi xizmat safari, 102,9 ming nafari sayyohlik, 4,9 ming nafari davolanish, 0,3 ming kishi tijorat va 0,1 ming kishi o‘qish maqsadida mamlakatga kirib kelgan.

Bu raqamlar Qozog‘iston va O‘zbekiston o‘rtasidagi do‘stona munosabatlar, oilaviy aloqalar va ikki mamlakat o‘rtasidagi ochiq muloqot darajasi yuqori ekanini yana bir bor tasdiqlamoqda.

• Qozog‘iston
• Sayyoh
• statistika