Xorijiy mamlakatlar bilan turistik oqimni tezkor tiklash maqsadida, Respublika maxsus komissiyasi qaroriga ko‘ra, 2022-yilning 16-mart kunidan boshlab O‘zbekistonda:

– Tegishli tartibda emlanganlik sertifikati yoki pasportiga ega bo‘lgan xorij fuqarolari PZR test natijasisiz O‘zbekistonga kirishi mumkin. Bunday sertifikat yo pasportga ega bo‘lmagan taqdirda, respublikaga tashrif buyurishidan kamida 72 soat oldin topshirilgan koronavirus infeksiyasiga PZR test natijasi, yoki chegara utish punktlarida ekspress-antigen test topshirishi bo‘yicha manfiy natijali maʼlumotnomaga ega bo‘lishi shart;

– O‘zbekiston Respublikasining Qozog‘iston Respublikasi bilan chegarasida joylashgan o‘tkazish punktlari orqali Qozog‘iston fuqarolari va O‘zbekiston fuqarolarining harakatlanishiga doir  vaqtincha cheklovlar bekor qilindi;

– O‘zbekiston Respublikasining Tojikiston Respublikasi bilan chegarasida joylashgan o‘tkazish punktlari orqali Tomonlar fuqarolarining harakatlanishiga doir vaqtincha cheklovlar bekor qilindi hamda barcha o‘tkazish punktlari faoliyati qayta tiklanmoqda.

Shuningdek, O‘zbekiston Respublikasiga kirish uchun xorijiy fuqarolarga elektron vizani rasmiylashtirish va berish tizimi (E-VISA) faoliyati qayta tiklanib, ishga tushirilmoqda.

Bundan tashqari, xorijiy davlatlardan kelayotgan sayyohlarga tezkor va sifatli maʼlumot almashinuvi bo‘yicha xizmat ko‘rsatish maqsadida TIVning Call markazini yo‘lga qo‘yishga oid topshiriq berildi.

• Maxsus komissiya
• O‘zbekiston
• Qaror
• karantin
• koronavirus