31°
Kechasi 18°
Olimpiya va paralimpiya sport turlariga tayyorlash markazlarida amaliy imtihonlar o‘tkazilmoqda
O‘zbekistonda paralimpiya sport turlarini ommalashtirish, iqtidorli sportchilarni aniqlash, tanlash va saralash hamda ularni professional sportchilar sifatida tayyorlashning yangi tizimi yo‘lga qo‘yilgan.
Xususan, 2022/2023-o‘quv yilidan boshlab, ilk marotaba aynan nogironligi bo‘lgan yoshlar uchun Olimpiya va paralimpiya sport turlariga tayyorlash markazlarida paralimpiya yo‘nalishi uchun 10 foizlik qabul kvotalari ajratildi.
Bugungi kunda mazkur yo‘nalishda o‘qish istagini bildirgan 300 nafardan ziyod matonatli yoshlarimiz tomonidan hujjatlar topshirilgan bo‘lib, 145 nafari imtihon natijalari asosida tanlab olinishi rejalashtirilgan.
Kecha, 16 avgust kuni Respublikadagi 5 ta Olimpiya va paralimpiya sport turlariga tayyorlash markazida paralimpiya yo‘nalishi bo‘yicha 1-bosqichga kasbiy (ijodiy) imtihonlar jarayoni boshlandi. Unda Urganch, Qarshi, Navoiy, Nukus hamda Termiz shaharlarida jami 138 nafar yoshlar ishtirok etdi.
Milliy Paralimpiya qo‘mitasining ma’lum qilishicha, ushbu imtihonlardan muvaffaqiyatli o‘tgan o‘quvchilar Markazning para yengil atletika, para dzyudo, para suzish, para velosport, para akademik eshkak eshish, para pauerlifting va para taekvondo sport turlari bo‘yicha 1-bosqich talabasiga aylanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
