Milliarder Pavel Durov “Telegram Premium“dan tushgan mablagʻ nimaga sarflanishini aytib oʻtdi. Eslatib oʻtamiz, ayni vaqtda uning platformasidan foydalanuvchilar soni 700 million kishidan oshgan.

“Premium” obuna foydalanuvchilarga 4 gigabaytgacha boʻlgan fayllarni yuklash, 1000 tagacha kanalga obuna boʻlish, chatlarlarni 20 ta boʻlimga ajratib tartiblash, toʻrtinchi akkauntni qoʻshish, 10 tagacha chatni pin qilish, oʻziga xos stiker va reaktsiyalar, audioni matn koʻrinishiga keltirish, fayllarni maksimal tezlikda yuklab olish va boshqa bir qator imkoniyatlarni taqdim etgan.

Pavel Durovning aytishicha, “Premium” obunani foydalanuvchilarning bor-yoʻgʻi 2,5-3 foizi xarid qilsa, Telegram buning hisobiga oʻzi xarajatlarini qoplay oladi.

“Bu ijtimoiy tarmoqlar tarixida yangi, eʼtibor foydalanuvchiga qaratilgan davr boshlanganini anglatadi”, deb yozdi Durov.

• Durov
• Telegram
• milliarderlar