“Har bir kuchli erkakning ortida kuchli ayol turadi” degan gap bejizga aytilmagan. Bugun mashhur erkaklar ortida turgan sohibjamollar va ularning siyosatchilar bilan tanishuv tarixi haqida gaplashamiz.

Melaniya Knaus

Melaniya Knaus va Donald Tramp o'rtasidagi birinchi uchrashuv 1998-yilda Nyu-Yorkdagi ziyofatda sodir bo’lgan. O’sha paytda Melaniya moda olamidagi muvaffaqiyati bilan maqtanishi mumkin edi. U ko'plab mashhur nashriyotlar bilan hamkorlik qilgan. Ilk uchrashuvda model 28 yoshda, tadbirkor esa 52 yoshda bo’lgan. Biroq, juftlik yoshi o’rtasidagi farq munosabatni davom ettirishga to'sqinlik qilmadi.

Oddiy suhbatdan so‘ng Tramp qizdan telefon raqamini qoldirishni so‘radi, biroq kutilmaganda rad javobini oldi. Shunga qaramay, bir nechta uchrashuvlardan so'ng ular tom ma'noda ajralmas bo'lib qolishdi. 2004-yilda unashtiriv sharafiga Donald Melaniyaga 1,5 million dollarlik olmosli uzuk sovg'a qildi. 2005-yil 22-yanvarda Tramplarning to’yi bo’lib o’tdi.

Melaniya Donaldning uchinchi xotini edi. Siyosatchining birinchi xotini Ivana Tramp bo'lib, ular o’rtasidagi turmush 15 yil davom etgan. Ikkinchi ayoli aktrisa Marla Maples bilan 6 yil yashagan. To'ydan bir yil o'tgach, 2006-yil 20-martda Donald va Melaniya oilasida birinchi farzandi Barron Tramp tug'ildi. 2017-yilning 20-yanvarida Donald Tramp AQShning 45-prezidenti bo‘ldi.

Sofia Hellkvist

Sofiya Hellkvistning hayoti Zolushka ertagini eslatadi. Shvetsiyalik model kichik shaharchada tug'ilgan. O'rta maktabni tugatgach, muvaffaqiyatli karyera uchun Stokgolmga ko'chib o'tdi. O’sha paytda u realiti shoulardan birida ishtirok etar edi. Mashhurlikka erishgach, Hellkvist Nyu-Yorkka ko'chib o’tdi va bir necha yildan keyin o’z yurtiga qaytib keldi. Shvetsiya shahzodasi Karl Filipp va Sofiya o’rtasidagi tanishuv restoranlardan birida bo‘lib o‘tdi. 2014-yilda juftlik to'rt yillik munosabatlardan keyin turmush qurishdi. Hozirda ular uch farzandni birgalikda tarbiyalashmoqda.

Kendra Spirs
Shahzoda Rahim Og'a Xonning rafiqasi, model Kendra Spirs faoliyatini 2008-yilda boshlagan. Oradan 5 yil o'tgach, 2013-yilda Kendra o'zining bo'lajak turmush o’rtog’ini uchratdi. Rahim qizga shunchalik maftun bo'lib qolganki, tanishganlaridan to'rt oy o'tib unga turmush qurish taklifini bildirgan.
Model turmush qurish uchun dinini o’zgartirdi. Karyerasini yakunlab, bor e’tiborini oilasiga qaratdi. Kendra ismini Salva Og'a Xonga o’zgartirdi. Bugungi kunda juftlik ikki nafar farzandni tarbiyalamoqda.

Karla Bruni
Supermodel Karla Bruni va Fransiyaning 23-prezidenti Nikolya Sarkozi o’rtasidagi tanishuv 2007-yilning noyabrida kechki ovqatlardan birida bo‘lib o‘tgan. O'sha paytda siyosatchi 25 yillik rafiqasi Sesiliya Attias bilan ajrashgan edi. Birinchi uchrashuvdan bir necha oy o'tgach, 2008-yil fevral oyida juftlik yashirincha to'y o'tkazishdi. 2011-yilda ularning oilasida Yuliya ismli qizaloq dunyoga keldi.

• Dunyo
• mashhurlar
• qiziqarli