Ijtimoiy tarmoqlarda maktabda bir o‘quvchi 2009-yilda tug‘ilgan yigitni kaltaklagani aks etgan video tarqaldi. Jabrlanuvchining onasi so‘zlariga ko‘ra, o‘rtoqlari tomonidan kaltaklangan bolaning to‘rt umurtqasi singan. Ta’kidlanishicha, mazkur holat ijtimoiy tarmoqlarda yoritilishdan avval ham Qashqadaryo viloyati Maktabgacha va maktab taʼlimi boshqarmasi tomonidan o‘rnatilgan tartib asosida Qarshi tumanidagi 55-maktab faoliyati o‘rganilgan.

Shuningdek, o‘quvchilar o‘rtasida yuzaga kelgan holat huquqni muhofaza qiluvchi organ xodimlari tomonidan o‘rganilib, qonuniy to‘xtamga kelingan.

Qashqadaryo viloyati Maktabgacha va maktab taʼlimi boshqarma boshlig‘ining 2024-yil 19-martdagi tegishli buyrug‘i bilan Qarshi tumanidagi 55-sonli umumiy o‘rta taʼlim maktab direktori M.P. bilan Mehnat kodeksining 157-moddasi (mehnat shartnomasini taraflarning kelishuviga ko‘ra bekor qilish) 2-qismiga asosan tuzilgan mehnat shartnomasi bekor qilingan.

Hozirda vakolatli tashkilotlar tomonidan o‘rganish ishlari amalga oshirilmoqda, – deyiladi xabarda.

• Maktab
• Mushtlashuv
• Qashqadaryo