“Eurovision-2023” qo‘shiq tanlovi Angliyaning Liverpul shahrida bo‘lib o‘tadi.
Boshlang‘ich bosqichda Britaniyaning 20 ta shahri “Eurovision” ni o‘tkazish istagini bildirgan. Ulardan yettitasi shu miqyosdagi tadbirlarni tashkil etishda eng katta tajribaga ega bo‘lgan Liverpul, Birmingem, Glazgo, Lids, Manchester, Nyukasl va Sheffild shaharlari tanlab olindi.
Joriy yilning may oyida Italiyaning Turin shahrida boʻlib oʻtgan “Eurovision” tanlovida Ukrainaning “Kalush Orchestra” xip-xop guruhi “Stefaniya” qoʻshigʻi bilan gʻoliblikni qoʻlga kiritdi. Ikkinchi o‘rin Buyuk Britaniyaga, uchinchi o‘rin esa Ispaniyaga nasib etdi. An’anaga ko‘ra, qo‘shiq tanlovi avvalgi tanlovda g‘olib chiqqan mamlakatda o‘tkaziladi. Ukraina 2023-yilda “Evrovidenie”ni o‘tkazishga tayyorligini ma’lum qildi, biroq EBU ishtirokchilar xavfsizligini ta’minlashdagi qiyinchiliklar tufayli tanlovni Ukrainada o‘tkazib bo‘lmasligini aytdi.
Biroq, Buyuk Britaniya bosh vaziri Liz Trass tashkilotchilar “Eurovision-2023” Ukraina madaniyatiga bag'ishlashini aytdi. “Liverpulni “Evrovidenie 2023” tanlovi o‘tkaziladigan joy sifatida tanlagani bilan tabriklayman. Liverpul g‘ururli musiqiy merosga ega bo‘lgan mehmondo‘st shahar bo‘lib, u Ukrainaning boy madaniyati va ijodini nishonlash uchun unutilmas shou namoyish etadi”, deb yozdi u ijtimoiy tarmoqlarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!