“Manchester Yunayted” jamoani mavsum yakunigacha boshqaradigan yangi murabbiyni rasman eʼlon qildi.
Klub rasmiy sayti xabariga koʻra, Ralf Rangnik joriy mavsum yakuniga qadar “MYU” bosh murabbiyi vazifasini bajaruvchi etib tayinlandi.
Germaniyalik mutaxassis mavsum yakunlangach, ikki yil davomida klubda maslahatchi sifatida faoliyat yuritadi.
Sulsher isteʼfosidan keyin klubni ikki oʻyinda boshqargan Maykl Kerrikning murabbiylar shtabida qolishi kutilmoqda. Avvalroq, ushbu murabbiy tanlovi va uni tayinlash qarorida “MYU” sobiq bosh murabbiyi Aleks Fergyuson ishtirok etmagani aytilgan edi.
Maʼlumot uchun, 63 yoshli Ralf Rangnik 2015-2019-yillarda “Leypsig” klubini boshqargandi. 2021-yilning yozidan buyon mutaxassis Rossiyaning “Lokomotiv” klubi sport direktori sifatida ishlab keldi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!