Andijon viloyatining Andijon tumanida joylashgan yog‘och omborida yirik yong‘in yuz berdi. Bu haqda viloyat Favqulodda vaziyatlar boshqarmasi ma’lum qildi. Qayd etilishicha, hodisa 21-iyun kuni soat 20:10 da tumanning “Mard” MFY hududida sodir bo‘lgan. Yong‘in haqida xabar kelib tushgach, voqea joyiga zudlik bilan yong‘in-qutqaruv ekipajlari jalb etilgan.

Qutqaruvchilarning tezkor sa’y-harakatlari natijasida yong‘in soat 21:55 da to‘liq bartaraf etildi. Dastlabki ma’lumotlarga ko‘ra, hodisa oqibatida tan jarohati olganlar qayd etilmagan. Hozirda yong‘inning kelib chiqish sabablari va yetkazilgan moddiy zarar miqdori aniqlanmoqda.