“Red Bull” kompaniyasi asoschisi Ditrix Mateshis 78 yoshida vafot etdi, deya xabar bermoqda “Seedweek” nashri. Avvalroq Mateshisning sog‘lig‘ida jiddiy muammolar borligi, Ditrix uzoq vaqt davomida omma oldiga chiqmagani xabar qilingan edi.

78 yoshli tadbirkor aynan nima bilan kasallangani hozircha xabar qilinmagan. Kompaniya so‘nggi paytlarda uning sog‘lig‘i haqida izoh berishdan bosh tortgan.

1944-yilda tug‘ilgan milliarder ikkita “Formula-1” jamoasiga egalik qilishdan tashqari, Mateshis sport sohasida ham faol ishtirok etgan. Bundan tashqari, “Red Bull Zalsburg”, “Nyu-York Red Bulls” va “RB Leypsig” kabi bir nechta futbol klublariga asos solgan.

• Futbol
• Red-bull
• milliarderlar