Sobiq Ittifoq mamlakatlari Rossiya agressiyasini qo‘zg‘atmaslik uchun Shimoliy Atlantika ittifoqiga kiritilmasligi kerak. Bu haqda AQShning Kentukki shtati  senatori Rend Pol “The American Conservative” jurnalida chop e’tilgan maqolasida ta’kidlagan.

“Biz endi hissiy va siyosiy manfaatlar uchun so‘zlarni bemalol ayta olmaymiz. Biz NATOning kengayishini muhokama qilganimizda, Sovet Ittifoqi tarkibiga kirgan qolgan davlatlar ittifoqqa qabul qilinmasligini aniq aytishimiz kerak”,–deb yozgan senator Rend Pol maqolasida.

Senatorning qo‘shimcha qilishicha, “Rossiya NATOni Finlyandiyaga kirishiga indamasligi mumkin, ammo ushbu mamlakatda tashkilot harbiy bazasini joylashtirilishiga qarab turmaydi”.

Shuningdek, u Ukraina NATOga qabul qilingan taqdirda Moskvaning javob qaytarish haqidagi ogohlantirishlarini ham eslagan.

Ma’lumot uchun, Alyansga aʼzo boʻlgan va avval SSSR tarkibida boʻlgan davlatlar qatorida Latviya, Litva va Estoniya ham bor. Ular 2004-yilda NATOning beshinchi kengayishidan keyin harbiy blokka qo‘shilgan.

Hozirda NATO tashkilotiga a’zo davlatlar soni naqd 30taga yetgan.

• AQSh
• NATO
• Rossiya
• SSSR
• Senator