Parij tinçlik forumida Özbekiston Prezidenti administratsiyasi rahbari Saida Mirziyoyeva bolalar taqdiri, Samarqandda ilgari surilgan taşabbuslar va xalqaro hamkorlik masalalariga töxtaldi. Şuningdek, u Fransiya Prezidenti Emmanuel Makron bilan uçraşib, unga Özbekiston Prezidenti Şavkat Mirziyoyevning samimiy salomini yetkazdi.

Mirziyoyevaning ta’kidlaşiça, forumda bolalar taqdiri va Samarqandda kötarilgan masalalar xalqaro hamjamiyat vakillarini jiddiy öylantirayotgani sezilgan.

“Çinakam tinçlik — har bir bolaning qayerda va qanday oilada tuğilganidan qat’i nazar, xotirjam ta’lim olişi, bexavotir ulğayişi va öz kelajagiga işonişidir”, — deb yozdi u.

Emmanuel Makron bilan uçraşuvda mudofaa, xavfsizlik, kibertexnologiyalar va sun’iy intellekt sohalari, şuningdek, yirik iqtisodiy va gumanitar loyihalar doirasida Özbekiston–Fransiya strategik şerikligini rivojlantiriş istiqbollari muhokama qilindi.

Saida Mirziyoyeva muloqot davomida ikki davlat örtasidagi keng qamrovli hamkorlikni yanada rivojlantiriş masalalari yuzasidan fikr almaşilganini bildirdi.