Salvador hukumatining xabar berishicha, homilador ayol hali tug‘ilmagan bolasini o‘ldirganlikda ayblanib qamoqqa olingan. 38 yoshli ona joriy yil 9-fevral kuni ozod etildi. Unga 30 yillik qamoq jazosi berilgan edi.

Ma’lum qilinishicha, 2011-yil iyun oyida Salvadordagi shifoxonalardan birida Elsi ismli ayol qornidagi farzandini abort qildirmoqchi bo‘ladi. Biroq, ushbu vaziyat bo‘yicha favqulodda holat xodimlari xabar topadi. Keyin u farzandini o‘ldirishda ayblanib ozodlikdan mahrum etiladi.

Aytish joizki, Salvadorda abort qildirish har qanday sharoitda, jumladan, qarindoshlar o‘rtasidagi nikohda, hatto homila ayolning sog‘ligiga xavf solayotgan paytda ham ta’qiqlanadi.

Elsining qamoqdan chiqqanidan keyingi surati ijtimoiy tarmoqqa yuklandi va sud ishining dastlabki qarorlariga ko‘ra, u to‘laqonli aybsiz deb topilgan.

“Biz Elsining 10 yildan so‘ng ozod etilganini nishonlamoqchimiz. U farzandini o‘ldirishda ayblanib, 30 yilga ozodlikdan mahrum qilingandi. Ammo bu noto‘g‘ri qaror edi. Biz qamoqdagilarni ozodlikka chiqarish uchun tinimsiz kurashamiz va hech qachon to‘xtamaymiz”, deydi Morena Errera ismli guruh rahbari.

Fuqarolarning ta’kidlashicha, Elsining qamoqqa olinishi uni o‘g‘lidan ayrilishiga sabab bo‘lgan. Endi Elsi 10 yildan so‘ng, farzandlari va oilasi bag‘riga qaytadi. 

Amerika inson huquqlari bo‘yicha sudi, salvadorlarning abort qildirishga qarshi qat’iy qonunlarini qoraladi. 

• Ayollar
• Chaqaloq
• Jahon
• Salvador