31°
Kechasi 18°
Janubiy Koreyaning “Samsung” kompaniyasi “Galaxy Z Fold 5” va “Galaxy Z Flip 5” uchun yangi avlod ilgaklarini yaratish ustida ishlamoqda. U smartfonlarni changdan butunlay himoya qiladi. Bu haqda ishonchli insayderlar Twitter’da xabar berishgan.
Qayd etilishicha, yangi ilgak telefonning ikki yarmini mahkamroq yopishga imkon beradi. Shu sababdan chang va boshqa mayda zarrachalardan saqlaydi. Bundan tashqari, u ekrandagi burmaning ko‘rinishini kamaytiradi va yopilganda smartfonni avvalgilaridan ingichka qilib qo‘yadi.
Avvalroq, insayderlar tomonidan “Galaxy Z Fold 5” o‘zidan oldingi “Galaxy Z Fold 4” smartfonidan 10 gramm yengilroq bo‘lishi xabar qilingan edi. Shunday qilib, yangi qurilmaning og‘irligi taxminan 250 gramm bo‘lishi mumkin.
Manbaning ta’kidlashicha, hozircha bu faqat mish-mishlar xolos. Ammo agar Koreya korporasiyasi haqiqatan ham o‘z smartfonlariga ushbu yangi texnologiyani joriy qilsa, bu uzoq vaqtdan beri foydalanuvchilarni yangi texnologiyalar bilan xursand qilmayotgan chig‘anoqsimon qurilmalar bozori uchun turtki bo‘lishi mumkin.
Xabarlarga ko‘ra, “Galaxy Z Flip 5” va “Galaxy Z Fold 5” 2023-yilning avgust yoki sentyabr oyida premyera qilinadi. Shuningdek, “Galaxy Watch 6” seriyasi ham ushbu modellar bilan birga sotuvga chiqarilishi rejalashtirilgan.
Bundan tashqari, kompaniya 2025-yilga borib o‘z mahsulotlarini qadoqlashda plastik materiallardan foydalanishdan voz kechmoqchi.
Eslatib o‘tish mumkin, “Samsung” so‘zi koreys tilida “uch yulduz” degan ma’noni anglatadi. Ehtimol, bu ism kompaniya asoschisi Li Byon Chulning uch nafar o‘g‘li bilan bog‘liq bo‘lishi mumkin, ularning eng kichigi Li Gong Xi kompaniyani 1987-yilda barcha Sharqiy meros an’analarini buzgan holda egallab olgan, unga ko‘ra to‘ng‘ich o‘g‘li oila mulkining katta qismini meros qilib olishi kerak bo‘lgan. “Samsung”ning daromadi 2019-yilda 305 milliard dollar, 2020-yilda 107 milliard dollar va 2021-yilda 236 milliard dollarni tashkil qilgan. Kompaniyaning 2022-yilgi moliyaviy hisobot natijalari hali e’lon qilinmagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
