Shavkat Mirziyoyevning “Rossiya Federatsiyasining madaniyat va san’at sohalari vakillarini mukofotlash to‘g‘risida”gi farmoni e’lon qilindi.

O‘zbekiston Respublikasi va Rossiya Federatsiyasi o‘rtasidagi keng qamrovli strategik sheriklik, ittifoqchilik munosabatlarini rivojlantirish, xalqlarimizning an’anaviy do‘stlik va hamjihatlik  aloqalarini mustahkamlash borasidagi katta xizmatlari, o‘zining yorqin va betakror iste’dodi, xususan, kino va teatr yo‘nalishidagi sermahsul ijodiy faoliyati bilan madaniyat va san’at sohalarida hamkorlikni kengaytirish, ma’naviy qadriyatlarimizni asrab-avaylash va boyitishga qo‘shayotgan munosib hissasi uchun quyidagilar O‘zbekiston Respublikasining “Do‘stlik” ordeni bilan mukofotlansin:

Bezrukov Sergey Vitalevich - Rossiya Federatsiyasining xalq artisti, Moskva drama teatri badiiy rahbari, teatr va kino aktyori

Liyepa Andris Marisovich - Rossiya Federatsiyasining xalq artisti, balet artisti, rejissyor

• Farmon
• Prezident
• Shavkat Mirziyoyev