Oʻzbekiston Respublikasi Prezidenti Shavkat Mirziyoyev kecha, 17-avgust kunining ikkinchi yarmida Saudiya Arabistoniga davlat tashrifi doirasida Jidda shahriga keldi.
Jidda shahridagi “Qasr as-Salam” saroyida Oʻzbekiston Respublikasi Prezidentini rasmiy kutib olish marosimi boʻldi.
Shundan soʻng Oʻzbekiston Respublikasi Prezidenti Shavkat Mirziyoyev va Saudiya Arabistoni Podshohligi Valiahd shahzodasi Muhammad bin Salmon Ol Saudning muzokaralari boʻlib oʻtdi.
Xoʻsh, Oʻzbekiston Respublikasi prezidenti Shavkat Mirziyoyev Saudiya Arabistoniga qilgan davlat tashrifida unga mamlakatning taniqli rasmiylaridan kimlar hamrohlik qilmoqda?
Mirziyoyevning Saudiyadagi munozaralar davomida tushgan suratlaridan bunga javob topishga urinib koʻramiz:
1. Shayx Nuriddin Xoliqnazarov – Oʻzbekiston Respublikasi 5-Bosh muftiysi va Oʻzbekiston musulmonlari idorasi raisi.
2. Sardor Umrzoqov – Oʻzbekiston Respublikasi Prezident Administratsiyasi rahbari. 2021-yil 11-dekabrdan Milliy tadqiqot universiteti boshqaruv kengashi raisi.
3. Abdulaziz Hafizovich Komilov – 2022-yil 16-iyundan Oʻzbekiston prezidentining tashqi siyosat masalalari boʻyicha maxsus vakili. Favqulodda va Muxtor elchi diplomatik martabasiga ega. Arab va ingliz tillarini biladi.
4. Norov Vladimir Imamovich – 2022-yildan Oʻzbekiston Respublikasi Tashqi ishlar vaziri v.b. Favqulodda va Muxtor Elchi diplomatik martabasiga ega. Ingliz, nemis, rus tillarini biladi.
5. Komil Ismoilovich Allamjonov – Oʻzbekiston Respublikasi Prezidenti Administratsiyasi rahbarining oʻrinbosari. Milliy ommaviy axborot vositalarini qoʻllab-quvvatlash va rivojlantirish jamoat fondi Vasiylik kengashining sobiq raisi.
6. Sirojiddin Sayyid (asl ism-sharifi Saidov Sirojiddin Salohovich) – Oliy Majlis qonunchilik palatasi senatori. 2018-yildan Oʻzbekiston yozuvchilari uyushmasining raisi sifatida faoliyat olib boradi.
7. Otabek Muhammadalievich Umarov – Osiyo olimpiya kengashi prezidenti oʻrinbosari. 2020-yil 15-dekabrdan boshlab Markaziy Osiyo MMA Konfederatsiyasi rahbari.
8. Ibrohim Yoʻlchiyevich Abdurahmonov — 2017-yil 29-noyabrdan Oʻzbekiston Respublikasi innovatsion rivojlanish vaziri. 2022-yil 7-iyulda Prezident farmoni bilan Ibrohim Abdurahmonov Paxtachilik kengashi raisi etib tayinlangan.
9. Jamshid Abduhakimovich Xoʻjayev – Oʻzbekiston Liberal demokratik partiyasi siyosiy kengashi aʼzosi. 2022-yil 16-iyuldan Oʻzbekiston investitsiyalar va tashqi savdo vaziri lavozimiga tayinlangan.
10. Azim Ahmadxoʻjayev Isroilovich – Oʻzbekiston energetika vazirining birinchi oʻrinbosari.
Oʻzbekiston Respublikasi Prezidentining Saudiya Arabistoniga uyushtirgan safarida hamrohlik qilayotganlar koʻpchilik. Lekin biz ularning ichida “eng taniqlilarini” sizga tanishtirdik.
Muallif: Sardor To‘lanboyev.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!