Minerva City asoschisi, hindistonlik tadbirkor Murali Lal Jalan Kun.uz saytiga bergan intervyusida Toshkent shahar hokimi Jahongir Ortiqxo‘jaevni shantaj qilishda ayblamoqda.

2021-yilning mart oyida hokimlikdagi shaxsiy yig‘ilishda hokim go‘yoki unga ultimatum qo‘ygan: yo u o‘zining loyihalaridan birini, masalan, Bektemir tumanidagi “Leyk City”ni amalga oshirishdan rasman voz kechishi kerak yoki 100 million dollar depozitga qo‘yishi kerak.

Xabardor.uz jamoasi aynan shu mavzuda jurnalistik surishtiruv olib bordi va quyidagi fikrlarni bildiradi:

Birinchidan, Kun.uz o‘zining rezonansli materialini e’lon qilishidan avval nima uchun shaxsan Ortiqxo‘jayevga yoki Toshkent shahar hokimligi axborot xizmatiga murojaat qilib, vaziyatni ochiqlamagan. Bilamiz o‘zini hurmat qilgan har bir media yoki OAV uchun bu etik norma hisoblanadi.

Ikkinchidan, O‘zbekistonning OAVga tegishli qonunchiligida ham axborot tarqatishda xolis bo‘lish, haqqoniy axborot berish beligilab qo‘yilgan.

Uchinchidan, jurnalist J.Ortiqxo‘jayevning oddiy fuqaro o‘laroq, mamlakat poytaxtining hokimi va Senat a’zosi sifatidagi obro‘sini tushirish, uning shaxsiyati va reputasiyasiga putur yetkazishi huquqiy oqibatlarga olib kelishini unutmasligi kerak.

To‘rtinchidan, biz jurnalist Latipovning mualliflik fikrlariga qo‘shilamiz.  Jarayonga nisbatan munosabatning video versiyada hisob raqami, yozma versiyada esa depozit haqida gap ketgan. Nima uchun bu maqola oddiy mushtariy fikri chalg‘itilmoqda??? Zotan moliyachilar bu ikki versiyaning farqini juda yaxshi tushunishadi.

Beshinchidan, aytish mumkinki, mazkur maqolada qora PR texnologiyalari yaqqol namoyon bo‘lgan. Hokim - hisob raqam - depozit - shantaj zanjiri tuzilib, targ‘ib qilingan.

Oltinchidan, xorijlik biznesmen bunday ayblovlarni ommaga ovoza qilishdan oldin, o‘zini hurmat qiladigan OAV vakillari esa ushbu ma’lumotlarni 3 taraf bilan aniqlashtirishmay, hech qanday dalillarsiz ommaga e’lon qilishga ham huquqiy ham etika jihatidan haqlari yo‘q ekanini unutmasliklari lozim edi. Yozma dalillar, audio tasma yoki guvohlar tomonidan tasdiqlovchi hujjatlar bo‘lsagina bu ma’lumotlarni tarqatish maqsadga muvofiq deb bilamiz.

Yettinchidan, bizga ma’lumki hozirda Minerva city o‘zi moliyaviy inqirozda va quruvchilar tomonidan ko‘plab noroziliklarga uchragan. Bu qora PR ana shu inqiroz holatidan silliq chiqish uchun bir yo‘l emasligiga kim kafolat beradi. Biz shuni ham o‘ylab ko‘rishimiz kerakmikan?!

• Hokimlik
• Ortiqxo‘jayev