Suriyalik erkak fevral oyida yuz bergan zilziladan so‘ng yuzaga kelgan vayronalar ostida uch oy davomida tirik qolishga muvaffaq bo‘lgan. Bu haqda “Akhbar.fouri” portali xabar bermoqda.

Qayd etilishicha, u kecha, 16 may kuni vayronalar ostidan chiqarib olingan. Voqea joyidan olingan kadrlarda erkakning juda ozib ketgani ko‘rinadi.

Umuman olganda, bemor zilziladan keyin vayronalar ostida uch oyga yaqin vaqt o‘tkazdi. Hozirda u shifokorlar nazorati ostida.

Eslatib o‘tish mumkin, joriy yil fevral oyi boshida epimarkazi Turkiyaning Qahramonmarash viloyati bo‘lgan kuchli zilzila yuz bergandi. Tabiiy ofat oqibatida Turkiyada 50 mingdan, Suriyada esa 8 mingdan ortiq odam halok bo‘lgan.

Jahon banki zilzilalar natijasida ko‘rilgan zararni 5,1 milliard dollarga baholadi, bu mamlakat yalpi ichki mahsulotining 10 foizini tashkil qiladi.

• Suriya
• Turkiya
• Zilzila