Bugun, 8-iyun kuni Tayvan Mudofaa vazirligi Twitter sahifasida Tayvan harbiylari yarim kun davomida orolga yaqinlashib kelayotgan Xitoy Xalq Ozodlik Armiyasining (XXOA) 37 ta samolyotini payqagani qayd etildi.

“Bugun, 8 iyun kuni soat 5:00 dan (Toshkent vaqti bilan soat 02:00) 37 ta XXOA samolyoti, jumladan J-11 va J-16 qiruvchi samolyotlari, H-6 bombardimonchi samolyoti, Y-20 tankeri, shuningdek, josus samolyotlar Tayvanning janubi-g‘arbiy havo hududiga kirib keldi”, – deyiladi xabarda.

Ma’lum qilinishicha, bir nechta samolyot Tinch okeanining g‘arbiy qismiga Tayvan janubi-sharqiy havo hududi orqali “uzoq masofali havo razvedka mashg‘ulotlarini o‘tkazish uchun” kirgan.

Bir necha soat avval mudofaa departamenti 12 ta samolyot va to‘rtta kemani orol qurolli kuchlari Tayvan yaqinida aniqlagani haqida xabar berdi.

Tayvan atrofidagi vaziyat o‘tgan yil avgust oyi boshida AQSh Kongressi Vakillar Palatasining o‘sha paytdagi spikeri Nensi Pelosining orolga tashrifidan so‘ng sezilarli darajada keskinlashgan. Orolni o‘z viloyatlaridan biri, deb bilgan Xitoy bu harakatda AQShning Tayvan separatizmini qo‘llab-quvvatlayotganini ko‘rib, Pelosining tashrifini qoraladi va keng ko‘lamli harbiy mashg‘ulotlar o‘tkazdi.

• Tayvan
• Xitoy