Eron poytaxti Tehronda yer yiliga 30 santimetrgacha cho‘kib bormoqda. Bu holat asosan yerosti suvlarining ortiqcha olib chiqilishi, qurg‘oqchilik va aholining keskin ko‘payishi bilan bog‘liq. Yerning bunday cho‘kishi nafaqat shahar infratuzilmasini vayron qilmoqda, balki aholining kundalik hayoti va xavfsizligiga ham jiddiy tahdid solmoqda.

Prezident Mas’ud Pezeshkiyon bu holatni jiddiy muammo sifatida baholab, Tehronda yashash tobora qiyinlashib borayotganini ta’kidladi. Uning aytishicha, suv inqirozi va yer cho‘kishi sababli poytaxtni Fors ko‘rfazi sohiliga — Dubayning qarshisida joylashgan hududga ko‘chirish masalasi ko‘rib chiqilyapti.

Ushbu taklif iqtisodiy, ekologik va strategik sabablarga asoslangan. Yangi poytaxt suv manbalariga yaqin, savdo va transport imkoniyatlari kengroq bo‘lgan hududda joylashishi kutilmoqda.

• Eron
• Tehron