Reuters agentligiga ko‘ra, Suriyada Bashar Asad rejimi 2019–2021-yillar oralig‘ida o‘n minglab jasadlar saqlangan ommaviy qabrlarni maxfiy ravishda ko‘chirgan. Bu amaliyot rejim jinoyatlarini yashirish maqsadida amalga oshirilgan.

Ommaviy qabriston Damashq yaqinidagi Al-Qutayfada joylashgan bo‘lib, u yerda 2012-yildan beri qamoqxonalar va harbiy gospitallarda vafot etgan mahbuslar va askarlar dafn etilgan. Keyinchalik jasadlar Dumeyr shahri yaqinidagi cho‘lga ko‘chirilgan. Sputnik suratlarida u yerda 34 ta transheya aniqlangan.

Sobiq harbiylar va haydovchilarning so‘zlariga ko‘ra, maqsad — qabrlarni tozalash va dalillarni yo‘q qilish bo‘lgan. Inson huquqi tashkilotlariga ko‘ra, Asad rejimi davrida 160 mingdan ortiq kishi bedarak yo‘qolgan.

Ma’lumot uchun, 2024-yil 8-dekabrda Asad rejimi quladi. U va oilasi esa Rossiyada siyosiy boshpana topdi. Avvalroq Asadlar oilasi “Moskva siti”da yashayotgani va Bashar Asad videoo‘yinlarga mukkasidan ketgan haqida xabar berilgan edi.

• Rossiya
• Suriya