“Top Gan: Meverik” “Qasoskorlar: Final”ni ortda qoldirib, Avstraliyada eng ko‘p daromad keltirgan uchinchi film bo‘ldi. Kartina premyera qilinganidan so‘ng ikki oy ichida mahalliy kassada 84,3 million dollar jamg‘ardi.

Ikkinchi o‘rinni egallagan “Yulduzlar jangi: Kuchning uyg‘onishi” filmi esa 94,04 million dollar ishlagan. Birinchi o‘rin “Avatar”ga tegishli bo‘lib, u o‘z ijodkorlariga 115,7 million dollar daromad keltirgan. “Top Gan: Meverik” katta ehtimol bilan birinchi o‘ringa ko‘tarila olmaydi.

Xalqaro miqyosda “Top Gan: Meverik” 1,29 milliard dollar mablag‘ ishlab topgan. Bu Tom Kruzning uzoq faoliyatidagi eng muvaffaqiyatli film bo‘ldi, deyish mumkin.

Pandemiya davrida faqat bitta film “Meverik”dan ko‘proq pul ishlab topdi. Bu “O‘rgimchak odam: Uyga yo‘l yo‘q” bo‘lib, 1,89 milliard dollar yig‘gan. Biroq Avstraliyadagi ko‘rsatkichlar bo‘yicha “Meverik” oldinda.

Avstraliyaliklarning “Meverik”ning suratga olish ishlaridagi ishtiroki 10 foizdan kamroqni tashkil etsa-da, mahalliy kino tomoshabinlar “Top Gan” davomining ashaddiy muxlislari ekanliklarini isbotlashdi.

Avstraliya “Top Gan” uchun AQSH va Kanada (bir kassa hududi), Buyuk Britaniya hamda Yaponiyadan keyin dunyodagi to‘rtinchi yirik bozor. Ammo aholi jon boshiga ko‘ra, Avstraliya “Top Gan: Meverik” filmini tomosha qilish uchun sarflangan pul bo‘yicha aholisi ko‘proq bo‘lgan mamlakatlardan o‘zib ketadi. Boshqacha qilib aytganda, avstraliyaliklar film tomosha qilishni yaxshi ko‘rishadi.

Tom Kruzning g‘alabali kinematografiya muvaffaqiyati 1986 yilda suratga olingan Kruz, Val Kilmer, Entoni Edvards, Meg Rayan va Kelli Makgillis ishtirok etgan mashhur film “Top Gan”ning davomi hisoblanadi. Asl film ham tijorat muvaffaqiyatiga erishgan va o‘sha paytda 357 million AQSH dollari ishlab topgan.

Yangi qismda faqat Kruz va Kilmer yana rol ijro etgan. Ularga Mayls Teller, Monika Barbaro, Glen Pauell va Jey Ellis kabi yosh aktyorlar jamoasi qo‘shildi.

“Top Gan: Maverik” kuchli sharhlar va ajoyib og‘zaki so‘zlashuvlar tufayli muxlislarning ishtiyoqini oshirdi.

Film rejissyori Jozef Kosinski, prodyuserlar tarkibi esa Tom Kruz, Jerri Brukxaymer, Kristofer Makkuarri va Devid Ellisondan tashkil topgan.

“Variety” nashrining aktyorlar maoshi haqidagi hisobotida Kruz bir necha jihatdan eng yaxshi qurol bo‘lgan va “Top Gan: Meverick” filmidagi roli uchun 100 million dollardan ortiq maosh olgan holda, ushbu ko‘rsatkich bo‘yicha birinchi o‘ringa ko‘tarildi. Mablag‘ning aksariyat qismi kartina daromadidan to‘langan.

Filmning byudjeti 130 million dollarni tashkil etishini inobatga olsak, uning katta qismi Kruzning gonorari uchun sarfdangani oydinlashadi.

• Avstraliya
• Daromad
• Kino
• Tom Kruz
• gollivud