Toshkent metropolitenida o‘zini poyezd tagiga tashlamoqchi bo‘lgan erkak qutqarib qolindi. Bu haqda Transport va turizm obyektlarida xavfsizlikni ta’minlash departamenti xabar berdi.

Ma’lum qilinishicha, 2023-yilning 19-fevral kuni “102” xizmatidan tushgan xabarga ko‘ra, 1997-y.t. Toshkent shahrida yashovchi fuqaro D.O joriy yilning 20-fevral kuni soat 19:20larda metroning “Chilonzor” bekatiga kirib, “Paxtakor” bekatiga kelgan vaqtida, ruhiy nosog‘lom ekanligi sababli, o‘z joniga qasd qilmoqchi bo‘lgan.

Shu maqsadida, o‘zini elektropoyezd yo‘liga tashlamoqchi bo‘lgan paytda bekat platformasida xizmat olib borayotgan Metropolitenda XTB Saf bo‘linmalari ikkinchi batalon, safdor xodimi, safdor A.A.Dalaboyev uni ushlab qolishga ulgirgan.

Shuningdek, surishtiruv ishlari davomida fuqaro D.O. 2016-yildan buyon ruhiy-asab kasalliklari dispanserida “Shizofreniya” tashxisi bilan ro‘yxatda turishi ma’lum bo‘lib, onasi F.A voqea joyiga chaqirtirilib, fuqaro D.O onasiga sog‘-salomat xolda topshirilgan.

• Kasallik
• Metropoliten
• ruhiyat