Toshkent shahrining Chilonzor tumanida 12-sentyabr kuni Spark YPX avtomashinasini urib, ag‘darib yubordi. Avtomobillarning YTHdan keyingi holati aks etgan videolar ijtimoiy tarmoqlarda tarqaldi.

Poytaxt YHXB matbuot xizmatining ma’lum qilishicha, voqea soat 00:45 larda Chilonzor tumani Bunyodkor ko‘chasida sodir bo‘lgan. Haydovchilik guvohnomasiga ega bo‘lmagan 17 yoshli B.J. Spark’ni davlat raqam belgilarisiz boshqarib kelayotib o‘z yo‘nalishini Cho‘pon ota ko‘chasiga o‘zgartirib, 3-qatordan 1-qatorga keskin burilib harakatni o‘ngga burgan.

Oqibatda o‘z yo‘nalishida 1-qatorda harakatlanib kelayotgan YPX xodimi boshqaruvida bo‘lgan Lacetti xizmat avtomashinasi bilan to‘qnashgan. Ijtimoiy tarmoqlarda tarqalgan videolardan zarb natijasida YPX avtomobili ag‘darilib ketgani, Spark esa daraxtga borib urilgani ko‘ringan.

Rasmiy xabarda qayd etilishicha, hodisa sabab og‘ir tan jarohat olganlar yo‘q. Haydovchilarga birinchi tez tibbiy yordam ko‘rsatilgan. Ayni paytda surishtiruv ishlari olib borilayotgani bidirilgan.

• Chilonzor
• Toshkent