Yaqinda Toshkent shahrining Mirzo Ulug‘bek tumanidagi 275-sonli maktabda informatika fani o‘qituvchisi va o‘quvchilar o‘rtasida yuz bergan holat ijtimoiy tarmoqlarda keng muhokamalarga sabab bo‘lgandi.

 Mazkur holat bo‘yicha o‘tkazilgan rasmiy tekshiruv natijasida vaziyatga aniqlik kiritildi: o‘qituvchi aybsiz deb topildi.

 Aniqlanishicha, pedagog dars jarayonida o‘z kasbiy faoliyati va obro‘sini qonun doirasida himoya qilgan. Intizomni buzgan ayrim o‘quvchilarning ota-onalariga nisbatan esa belgilangan tartibda ma’muriy choralar ko‘rilgan.

 Ushbu voqea jamiyatimiz uchun muhim xulosa beradi: adolat tizimi ishlaydi va pedagog sha’ni qonun himoyasida. O‘qituvchi — kelajak avlodni tarbiyalaydigan muhim shaxs, uning obro‘si va qadr-qimmati davlat tomonidan himoya qilinadi.