Ijtimoiy tarmoqlarda noma’lum shaxs chet el fuqarosiga nosvoy chekishni taklif qilayotgan holati aks etgan video tarqalib, turli muhokamalarga sabab bo‘ldi. Holat yuzasidan Toshkent shahar IIBB rasmiy ma’lumot berdi.

Ma’lum qilinishicha, joriy yilning 25-yanvar kuni Chilonzor tumanida joylashgan istirohat bog‘larining birida, 2006-yilda tug‘ilgan M.K. chet el fuqarosiga nos, tamaki mahsulotini chekishni taklif qilgan holda uyatli so‘zlar bilan so‘kinib, jamiyatda yurish-turish qoidalarini qasddan buzgan.

Mazkur holat yuzasidan fuqaroga nisbatan Ma’muriy javobgarlik to‘g‘risidagi kodeksning tegishli moddasiga asosan bayonnoma rasmiylashtirildi. To‘plangan hujjatlar qonuniy chora ko‘rish uchun jinoyat ishlari bo‘yicha tuman sudiga yuborilgan.

• Huquqbuzarlik
• IIB
• Toshkent
• yigit