“O‘zgidromet” ma’lumotiga ko‘ra, bugun tushdan keyin Toshkent shahrida ob-havo keskin o‘zgarishi mumkin. Poytaxtda qisqa muddatli yomg‘ir yog‘ishi, momaqaldiroq kuzatilishi hamda ayrim hududlarda shamol tezligi soniyasiga 12–15 metrga yetishi prognoz qilinmoqda.

Shuningdek, Toshkent va respublikaning ayrim hududlarida chang-to‘zonlar kuzatilishi ehtimoli ham mavjud. Tog‘oldi va tog‘li hududlarda esa yomg‘ir yog‘ishi, ayrim joylarda kuchli yog‘ingarchilik kuzatilishi, natijada sel-suv toshqinlari yuzaga kelishi mumkin.

 Fuqarolardan ob-havo sharoitining keskin yomonlashuvi sababli ehtiyot choralarini ko‘rishni, zarurat bo‘lmasa uzoq safarlarga chiqmaslikni tavsiya etmoqda. Ayniqsa, tog‘li hududlarda dam olayotgan fuqarolar va haydovchilardan yanada hushyor bo‘lish so‘ralmoqda.