Toshkentdagi 21-sonli Mehribonlik uyi o‘z faoliyatini to‘xtatdi. Bu haqda “Mehribonlik” saytida ma’lum qilindi.

Qayd etilishicha, mazkur Mehribonlik uyida 5 yoshdan 18 yoshgacha bo‘lgan 122 nafar bola tarbiyalangan. Bugungi kunda 67 nafar tarbiyalanuvchi Oilaviy sharoitda voyaga yetayotgan bo‘lsa, ularning 12 nafari bugun poytaxtda barpo etilgan 5ta Oilaviy bolalar uyida ulg‘aymoqda. 6 nafar bola ota-onasi yoki yaqin qarindoshlariga qaytarilgan.

Qolaversa, 50 dan ortiq o‘g‘il-qizlar vasiylikka olingan. Bolalar 18 yoshga to‘lib, voyaga yetgach muassasani tark etgan. Natijada 21-sonli Mehribonlik uyida atigi 27 nafar tarbiyalanuvchi qolgan. Shu bois, barcha bolalar poytaxtda joylashgan 22-sonli Mehribonik uyiga o‘tkazilgan.

21-sonli Mehribonlik uyi bo‘lsa, o‘z faoliyatini to‘xtatgan.

• Mehribonlik_uyi