Toshkent shahridagi sobiq “Algoritm” zavodi bino va inshootlari auksionga qo‘yildi. Bu haqda Davlat aktivlarini boshqarish agentligi xabar ma’lum qildi.

Qayd etilishicha, lotning boshlang‘ich narxi 292,9 mlrd so‘m etib belgilangan. Bino maydoni 89 810 kv. Metr bo‘lib, yer maydoni 16,1 gektarni tashkil qiladi.

Ushbu binoning asosiy faoliyat turi ishlab chiqarish maydonida foydalanilgan. Agentlikka ko‘ra, binoning aktivlari bo‘lib-bo‘lib to‘lash sharti bilan sotilganda dastlabki to‘lov summasi 35 foizdan kam bo‘lgan hollarda, qolgan summaga Markaziy bankning asosiy stavkasi miqdorida yillik foizlar hisoblanadi.

Ta’kidlanishicha, arizalar 2023-yil 4-yanvar kuni soat 10:00 ga qadar qabul qilinadi.

• Auksion
• Davaktiv