XAMAS G‘azo urushi tugagandan so‘nggi o‘tish davrida ham mintaqada xavfsizlik nazoratini o‘z qo‘lida saqlashni mo‘ljallamoqda. Bu haqda tashkilot siyosiy byurosi a’zosi Muhammad Nazzalga tayanib, Reuters xabar berdi.

Uning aytishicha, XAMAS hozircha qurolsizlanish bo‘yicha aniq majburiyat ola olmaydi – bu esa AQShning jangovar harakatlarga barham berish rejalari uchun jiddiy qiyinchiliklar tug‘diradi.

Muhammad Nazzal, shuningdek, vayron bo‘lgan G‘azoni qayta tiklash uchun guruh besh yilgacha otashkesimga tayyor ekanini aytdi. Ammo, keyingi bosqichda nima bo‘lishi haqida kafolatlar, Nazzalga ko‘ra, faqat falastinliklarga davlatchilik umidi va istiqbollari berilsagina muhokama qilinadi.

Qatar poytaxti Dohada intervyu berarkan Nazzal, XAMAS tomonidan G‘azoda amalga oshirilgan qattiq choralar va jamoat oldidagi qatllarni himoya qildi. Uning so‘zlariga ko‘ra, urush paytida “istisno holatlar” bo‘ladi va qatl etilganlar odam o‘ldirishda aybdor jinoyatchilar bo‘lgan.

Nazzalga ko‘ra, XAMAS AQSh rasmiylari bilan uchrashuvlarda uzoq muddatli, kamida uch yoki besh yillik to‘xtatish (to‘xtatish choralari) taklif qilgan, bu vaqt ichida G‘azoni tiklashga e’tibor qaratiladi.

“Maqsad kelgusidagi urushga tayyorgarlik emas. Bu muddatdan keyingi kafolatlar uchun esa, mamlakatlar Falastin xalqiga “fazo va umid” – ya’ni istiqbol va davlatchilik umidini taqdim etishi talab etiladi. Falastin xalqi mustaqil Falastin davlatini istaydi”, – degan u.

• Falastin
• Isroil
• Muzokara