Buyuk Britaniya tashqi ishlar vaziri Liz Trass bosh vazirlik uchun kurashda o‘zining raqibi, sobiq g‘azna vaziri Rishi Sunakga hujum qilish niyatida tobora ko‘proq Rossiya va Xitoy “kartasini” o‘ynashni istaydi. Bu haqda “Sunday Telegraph” nashri  Trassning ismi oshkor etilmagan yaqin tarafdorlariga tayanib xabar berdi.

Ularning so‘zlariga ko‘ra, bu lavozimga kelganiga 10 oydan sal ko‘proq vaqt bo‘lgan boshqarma boshlig‘i tashqi siyosat va xavfsizlik masalalarini o‘zining "kuchi" deb biladi va bu masalalar unga bosh vazirlik poygasida “ochko” to‘plash imkonini berishiga ishonadi.

Shunday qilib, nashr suhbatdoshlarining aytishicha, Trass saylovoldi tashviqoti paytida o‘zini Rossiya va Xitoyga nisbatan “qirg‘inchi” sifatida ko‘rsatish niyatida.

Keyin, Sunakga qarshi chiqib uni Moskva va Pekin harakatlariga nisbatan “yumshoq” munosabatda bo‘lganlikda ayblaydi.

“Ukraina va Xitoy haqida gap ketganda Lizning tajribasi, obro‘si va qat’iyati bor, bu esa uni partiyaning “qirg‘iy”lari qatoriga qo‘yadi, Rishi esa ko‘proq “kabutar”lar tomonida. Trassning argumenti shundan iboratki, bu Sovuq urush tugaganidan beri har qanday vaqtdan ko‘ra xavfliroq vaqt va u Buyuk Britaniyani jahon sahnasida yetakchi rolga qaytarishi mumkin”,– deydi tashqi ishlar vazirining ittifoqchilaridan biri gazetaga.

• Bosma OAV
• Liz Trass
• Rossiya
• Xitoy
• saylov