31°
Kechasi 18°
Ijtimoiy tarmoqlarda ayol yo‘lning qatnov qismiga yotib olganligi aks etgan video tarqalib turli muhokamalarga sabab bo‘ldi. Mazkur holat yuzasidan rasmiy ma’lumot berildi.
Joriy yilning 25-iyul kuni taxminan soat 08:00 larda Yashnobod tumani, Beshariq ko‘chasida, 1976-yilda tug‘ilgan Ye.A., mast holatda bo‘la turib, yo‘lning qatnov qismiga yotib olgan. U jamoat joyida jamiyatda yurish-turish qoidalarini qasddan mensimasdan, transport vositalarining erkin harakatlanishiga xalaqit bergan. Fuqaro bilan suhbatlashilganda, u spirtli ichimlik ta’sirida ekanligi aniqlangan. So‘ngra ichki ishlar va tibbiyot xodimlari tomonidan 4-Shahar klinik shifoxonasi hududidagi hushyorxonaga olib borilgan.
Mazkur holat yuzasidan Yashnobod tumani IIO FMB tomonidan tergovga qadar tekshiruv o‘tkazilmoqda. Tekshiruv natijalariga ko‘ra, qonunchilikda belgilangan tartibda qonuniy qaror qabul qilinishi ta’minlanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
