Daily Sabah nashrining xabar berishicha, halokatdan sal avvalroq general Muhammad Ali al-Haddad uchib ketayotgan Falcon 50 samolyoti Anqara yaqinidagi Haymana hududida favqulodda qo‘nishga ruxsat so‘ragan. Samolyotda Al-Haddaddan tashqari yana to‘rt kishi bo‘lgan.

Ma’lumotlarga ko‘ra, general Al-Haddad Anqaradan Tripoliga uchib ketayotgan edi. U Anqarada Turkiya mudofaa vaziri Yashar Gyuler bilan uchrashuv o‘tkazgan, shuningdek, Turkiya Bosh shtabi boshlig‘i general Selchuk Bayraktar bilan muzokaralarda ishtirok etgan.

“Biz Liviya armiyasi Bosh shtabi boshlig‘i general Muhammad Ali al-Haddad va u bilan birga bo‘lgan liviyalik rasmiylar Anqaradan qaytayotganida samolyot halokati natijasida qurbon bo‘lishgani haqidagi xabarni oldik”, — deya hodisaga izoh bergan Liviya bosh vaziri Abdul Hamid al-Dbeyba.

• Aviahalokat
• Liviya
• Turkiya