Birlashgan Millatlar Tashkilotining hisob-kitoblariga ko‘ra, Turkiyadagi zilzilalardan ko‘rilgan zarar allaqachon 100 milliard dollardan oshgan. Bu haqda BMT Taraqqiyot dasturining Turkiyadagi doimiy vakili Luiza Uinton ma’lum qildi.
Uning ta’kidlashicha, baholash hali ham davom etmoqda va 16-mart kuni Bryusselda bo‘lib o‘tadigan YI donorlari konferensiyasida yakunlanadi.
“Zarar 100 milliard dollardan oshiq bo‘lishi allaqachon aniq”, – dedi Uinton Jenevada bo‘lib o‘tgan brifingda.
Uning so‘zlariga ko‘ra, zilzila natijasida 600 mingdan ortiq xonadon va idoralar joylashgan 200 mingdan ortiq binolar vayron bo‘lgan.
Turkiya prezidenti Rajab Toyyib Erdo'g‘an 6 mart kuni vazirlar mahkamasi yig‘ilishida 46 104 kishi zilzila qurboni bo‘lganini, jiddiy shikastlangan binolar soni 230 mingga yetganini aytgan.
6-fevral kuni Turkiyaning janubi-sharqida 7,7 va 7,6 magnitudali zilzilalar sodir bo‘ldi, silkinishlar Suriyaga ham ta’sir ko‘rsatdi. Turkiya rasmiylari zilzilani “asr falokati” sifatida baholashdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!