$
12490.00 UZS
-18
134.00 UZS
-0.31
13510.43 UZS
-64.5
Kechasi

Xalqqa ko‘p ko‘rilgan Onix: uning narxiga qanday “inomarkalar” sotib olsa bo‘ladi?

17:24 / 11.05.2023

Sotuvga chiqqan kuniyoq 28 000 dan ortiq kishi aynan Chevrolet Onix uchun shartnoma imzolagan edi. UzAuto va General Motors uzoq muddatli istiqbolda ushbu avtomobilni ishlab chiqarish hajmini 1 millionga yetkazmoqchi ham bo‘lgandi. Bir necha kun avval uning uchun shartnoma berish to‘xtatilgani ma’lum bo‘ldi. Ayrimlar bu holatni tez orada avtomobilning narxi oshishiga ishora deya qabul qildi. Ushbu maqola orqali xalqqa ko‘p ko‘rilgan Onix’ning narxiga qanday uslubdagi xorijiy avtomobillarni xarid qilish mumkinligi haqida so‘z yuritamiz.

Chevrolet kompaniyasi Onix markali avtomobilni 2012-yilda ishlab chiqarishni boshladi. O‘zbekiston bozorida esa ushbu model 2022-yilga kelibgina paydo bo‘ldi.

UzAuto Motors (GM Uzbekistan) 2022-yilda Spark va Nexia avtomobillarini ishlab chiqarishni to‘xtatdi. Gentra esa konveyerdan biroz kechroq – 2024-yilda “chiqib ketadi”. Avtomobil bozori aynan Chevrolet Onix va Chevrolet Tracker bilan to‘lishi kutilgan edi.

Buni Chevrolet Onix sotuvining birinchi kuniyoq (02.11.2022) rekord darajada tuzilgan shartnomalar soni ham tasdiqlaydi. O‘shanda bir kun davomida 30 000 ga yaqin avtomobil uchun shartnoma tuzilgan, ularning 28 000 dan ortig‘i aynan yangi Chevrolet Onix uchun olingan.

Shuningdek, UzAuto va General Motors o‘rtasida 2023-yilga kelib ishlab chiqarish quvvatini 500 000 dona, uzoq muddatli istiqbolda esa 1 million dona avtomobilga oshirish masalalari ishlab chiqilgani ma’lum bo‘lgan.

Keling, ayni vaqtda shartnoma berish to‘xtatilgan Chevrolet Onix’ning ikkita eng qimmat modeli qulayliklarini ko‘rib chiqamiz:

Birinchisi, narxi 207 mln so‘m (taxminan 18,2 ming AQSh dollari) bo‘lgan Chevrolet Onix Premier 1.

Motor sig‘imi – 1,2 l. Turbo, 132 ot kuchi va avtomat uzatmalar qutisi;
kombinatsiyalangan qoplama. Oyna ostidagi xrom qoliplar;
old va orqa o‘rindiqlarini isitish (muqobil);
“Maxis 195/55R16” shinalari va 16 dyuymli diska;
ikki rangli bezak;
orqa ichki gumbazli yorug‘lik (Cobalt standartidagi kabi);
magistral yoritish funksiyasi.

Ikkinchisi, narxi 214,7 mln so‘m (taxminan 18,9 ming AQSh dollari) bo‘lgan Chevrolet Onix Premier 2.

Avvalgi modelga qo‘shimcha ravishda:
1,2 litrli 132 ot kuchiga ega turbo motor va avtomat uzatmalar qutisi;
old to‘xtash sensori;
liniyalar monitoringi;
yarim avtomatik to‘xtash funksiyasi;
sun’iy teridan iborat qoplama (vinil).

Ma’lumot uchun, Chevrolet Onix va Chevrolet Tracker bitta platformada qurilgan – ikkala avtomobil ham shassi, uzatmalar qutisi va dvigatel dizaynida umumiy komponentlarga ega, Onix’ning ichki qismi esa Tracker bilan birlashtirilgan.

Chevrolet Onix 1,2 litrli turbinali uch silindrli dvigatel bilan jihozlangan. Qisqa qilib aytganda, Onix bir qarashda mos o‘lchamlarga ega ixcham segmentli sedan, ya’ni narxiga mos mashinadek ko‘rinadi:

Masalan, uning uzunligi – 4 474 mm, g‘ildirak bazasi – 2600 mm, kengligi – 1730 mm, balandligi – 1471 mm, og‘irligi – 1,197 kg.ni tashkil etadi.

Avtomobil korpusning old qismi dizayni zamonaviy qilib ishlangan. Uning 1,2 litr sig‘imli dvigateli 132 ot kuchiga ega. 9,1 sekundda 100 km/soat tezlikka erishadi. Uning eng zo‘r modellari O‘zbekiston bozorida 18-19 ming AQSh dollari atrofida sotiladi. Avtomobilning piar-kampaniyasi ham yuqori darajada olib borilgan edi. Balki shu sabab ham hali sotilmay turiboq, mamlakatdagi rekordchi avtoulovga aylangandir. Shartli “jahon bozorida” esa qiymati yanada arzonroq bo‘lishi mumkin.

Xo‘sh, ayni vaqtda shartnoma berish rasman to‘xtatilgan rekordchi – Onix’ning mahalliy bozordagi narxiga qanday uslubdagi “inomarka”larni xarid qilsa bo‘ladi?

Aslida 18-19 ming AQSh dollari jahon bozorida ham sifatli avtomobil tanlash uchun mos budjet hisoblanadi. Shuncha mablag‘ evaziga dunyo brendiga aylangan kompaniyalardan shahar sayohatlari uchun premium sedan va bahaybat krossoverlarni ham topish mumkin. Bundan tashqari, Germaniya, Yaponiya yoki Amerikada ishlab chiqariladigan sport avtomobillari auksionlarda ancha arzon narxda sotiladi. Qo‘shimchasiga, o‘zgacha ko‘rinishdagi elektromobillar ham u qadar qimmat turmaydi.

Toyota Camry (18 ming AQSh dollari)

Yaponiya avtomobil ishlab chiqaruvchilarining eng mashhur markalaridan biri. Yillar mobaynida modelning dizayni jiddiy o‘zgarishlarga duch kelgan bo‘lsa-da, brend o‘z tamoyillariga sodiq qoldi. Ushbu mashina kamdan-kam hollarda buziladi. Dvigatel hajmi 2,5 litrni, yoqilg‘i iste’moli esa 100 kilometr uchun 10-12 litrni tashkil etadi. Uning so‘nggi modellari 25-30 ming AQSh dollarigacha sotiladi.

Wolkswagen Passat B8 (18-19 ming AQSh dollari)

Yaxshi reyting va o‘z klassi uchun juda maqbul narxga ega. Haydovchilar kam yonilg‘i sarfi, shuningdek, mukammal dinamikani his qiladi. Mashina bosib o‘tilgan har yuz kilometr masofa uchun 7 litr yoqilg‘i sarflaydi. Keng interyer bu toifadagi avtomobillarga nisbatan afzalliklarga ega. Masalan, salon uchun maxsus yumshoq plastmassadan foydalaniladi, u bir necha yildan keyin ham ezilmaydi. Bundan tashqari, mashina avtomatlashtirilgan va tashqi shovqindan himoyalangan. Wolkswagen Passat B8’ning so‘nggi modellari narxi 35 ming AQSh dollarigacha yetadi.

Volkswagen Atlas (18-19 ming AQSh dollari)

2017-yilda avtomobil bozorida sotila boshlagan odatiy Amerika formatidagi o‘rta o‘lchamli krossover. Ushbu amerikancha ulovning uzunligi 5 metrdan oshadi. O‘rindiqlarning uchinchi qatori hatto kattalar uchun ham qulaylik yaratish uchun qilingan. Ushbu avtomobil uchun 2 turdagi dvigatellar taklif etiladi: 241 ot kuchiga ega 2,0 litrli turbo to‘rtlik va 284 ot kuchiga ega aspirasiyalangan VR6 3,6 litr. Ikkala dvigatel ham sakkiz pog‘onali avtomat bilan jihozlangan. So‘nggi modellar narxi 30 ming “ko‘ki” atrofida.

Ford Fusion (18-19 ming AQSh dollari)

Mashhur Amerika sedanlarining ikkinchi avlodi. Bu avtoulov jozibali ko‘rinishi, korroziyaga chidamli korpusi va yuqori sifatli ichki bezaklari tufayli xaridorlar orasida ancha mashhur. Gibrid avtomobil doimiy sayohatlarda sezilarli darajada yoqilg‘ini tejash imkonini beradi, lekin yuqorida nomi keltirilgan boshqa mashinalarga qaraganda tezroq buziladi. Avtomat boshqaruvga ega sedanning so‘nggi modellari narxi 30-35 ming AQSh dollari atrofida.

Hyundai Sonata (18-19 ming AQSh dollari)

Jahon bozorida Janubiy Koreya avtomobillari yuqori talabga ega. Ularning aksariyati baxtsiz hodisalar natijasidagina sotiladi. Avtoulov uzoq safarlar uchun juda mos. Avtomagistrallarda dvigatelning yoqilg‘i iste’moli 7 litrdan oshmaydi. Sedan 2,4 litrli dvigatel va avtomatik boshqaruvga ega ekanini hisobga olsak, bu yaxshi natija hisoblanadi. Agar o‘z vaqtida texnik xizmat ko‘rsatilsa, Hyundai Sonata bir necha yuz ming kilometr harakatlanganidan keyin ham muammosiz ishlaydi. Uning so‘nggi modellari narxi esa 25-30 ming AQSh dollari atrofida.

KIA Sorento (18-19 ming AQSh dollari)

Haydovchilarning qalbini zabt etgan koreys avtomobillaridan yana biri ikki xil variantda sotiladi: uch va besh eshikli versiyalarda. Ushbu avtomashina egalari uning boshqa avtoulovlar o‘ta olmaydigan og‘ir sharoitli yo‘llarda ham oson harakatlanish qobiliyatini, ayniqsa, qadrlashadi. Mashinaning rul g‘ildiragi eng mayda detallarigacha ishlab chiqilgan va boshqarish uchun juda qulay.

Ushbu avtomobil 2,4 litrli, to‘rt silindrli benzin dvigatel bilan jihozlangan va u 240 ot kuchiga ega. Avtomatik uzatish 8 bosqichdan iborat. Hatto, asosiy konfiguratsiyada ham orqa ko‘rinish kamerasi, turli xil qurilmalarni ulash uchun Bluetooth tizimi va ikkita haydash rejimi mavjud. KIA Sorento korpusi tajovuzkor va juda chiroyli ko‘rinishga ega. Ushbu modelning optikasiga kelsak, bular LED faralar bo‘lib, ular ushbu avtomobil korpusi bilan birgalikda chiroyli ko‘rinish ham hosil qiladi. Avtomobilning eng so‘nggi modellari esa 30-35 ming AQSh dollarini tashqil etadi.

Xullas, jahon brendlari mahsulotlarining ichki va tashqi bozordagi narxi deyarli bir xil. Sanab o‘tilganidek, 18-19 ming AQSh dollari evaziga u qadar ko‘p masofa bosib o‘tmagan, kam sarfli va eng muhimi jahon bozori talablariga javob bera oladigan avtomobil xarid qilish, O‘zbekistonda esa shuncha puli bor fuqaro navbati yillab kutiluvchi mashina sotib olishi mumkin. Kim biladi, ehtiyot qismlari yetishmovchiligi sabab komplektatsiyani ishlab chiqarish ma’lum muddatga to‘xtagandan keyin, narxlar yanada ko‘tarilar? Shunday ekan, Onix uchun yig‘gan mablag‘ingizga mana shu “inomarka”lardan birini xarid qilish haqida o‘ylab ko‘rishni hozirdanoq boshlashingiz mumkin.

 

Humoyun Oripov tayyorladi


O‘zbekiston


														
														Zahiriddin Muhammad Bobur to‘g‘risida ingliz tilida film suratga olinishi mumkin

Zahiriddin Muhammad Bobur to‘g‘risida ingliz tilida film suratga olinishi mumkin

Film “Boburnoma” tarixiy asari asosida tayyorlanadi.
09:36 / 26.02.2024

														
														Koreya Respublikasida noqonuniy bo‘lib turgan o‘zbekistonliklar ogohlantirildi

Koreya Respublikasida noqonuniy bo‘lib turgan o‘zbekistonliklar ogohlantirildi

Koreya Respublikasida noqonuniy (nolegal) bo‘lib turgan yurtdoshlarimiz 2024-yil 29-fevralgacha ushbu davlatdan chiqib ketis…
17:06 / 25.02.2024

														
														Qashqadaryoga Xitoyda ishlab chiqarilgan 30 ta avtobus olib kelindi

Qashqadaryoga Xitoyda ishlab chiqarilgan 30 ta avtobus olib kelindi

Ularning ichida 4 dona turistik avtobuslar ham mavjud.
15:00 / 25.02.2024

														
														26-fevral ba’zi hududlarda qor yog‘ishi kutilmoqda

26-fevral ba’zi hududlarda qor yog‘ishi kutilmoqda

“O‘zgidromet” 26-fevral, dushanba kuni kutilayotgan ob-havo haqida ma’lumot berdi.
12:31 / 25.02.2024

														
														Yanvarda O‘zbekistonga qaysi davlat fuqarolari davolanishga kelgan?

Yanvarda O‘zbekistonga qaysi davlat fuqarolari davolanishga kelgan?

Shundan eng yetakchisi 4,8 ming nafar bilan Tojikiston davlati hisoblanadi.
10:46 / 25.02.2024

														
														Toshkentga to‘rt vagonli 3 ta yangi metro poyezdi olib kelindi

Toshkentga to‘rt vagonli 3 ta yangi metro poyezdi olib kelindi

Toshkent metrosiga to‘rt vagonli 3 ta metro poyezdi keltirildi. Ular 8-10 kun sinovdan o‘tkazilgach, “Yunusobod” va “Yerusti…
10:41 / 25.02.2024

														
														O‘zbekistonda sanoat mahsulotlari ishlab chiqarish 6 foizga oshdi

O‘zbekistonda sanoat mahsulotlari ishlab chiqarish 6 foizga oshdi

Shuningdek, mazkur tarmoqda mahsulot ishlab chiqarish 6,7 foiz oshgan.
10:30 / 25.02.2024

														
														Dehqonobod va Xiva tumanlariga yangi hokimlar tayinlandi

Dehqonobod va Xiva tumanlariga yangi hokimlar tayinlandi

Sherzod Shokirov Qashqadaryo viloyatining Dehqonobod tumaniga, Sardor Palvanov Xorazm viloyatining Xiva tumaniga hokim etib …
10:25 / 25.02.2024

														
														Bugun, 25-fevral kuni qanday ob-havo kuzatiladi?

Bugun, 25-fevral kuni qanday ob-havo kuzatiladi?

Respublika Gidrometeorologiya xizmati agentligining xabar berishicha, 25 fevral kuni Toshkentda havo bulutli bo‘ladi, biroz …
17:29 / 24.02.2024

														
														O‘zbekistonda yanvarda qancha fuqaro turistik maqsadda tashrif buyurgan?

O‘zbekistonda yanvarda qancha fuqaro turistik maqsadda tashrif buyurgan?

Shundan 7 mingdan ortig‘i davolanish maqsadida kelgan.
15:59 / 24.02.2024

Bu ham qiziq

Qozog‘istonda gerbni o‘zgartirish taklif qilinmoqda

Qozog‘istonda gerbni o‘zgartirish taklif qilinmoqda

mavjud gerb mamlakatning yangi chaqiriqlari va global rejalarini aks ettirmaydi.
17:03 / 24.02.2024
Qozog‘istonda o‘quvchilarga dars vaqtida telefondan foydalanish taqiqlandi

Qozog‘istonda o‘quvchilarga dars vaqtida telefondan foydalanish taqiqlandi

Shuningdek, derazalarni himoya qulflari bilan ta’minlash kabi yangi me’yorlar qabul qilingan.
12:21 / 24.02.2024
“Garri Potter”ning yangi seriyasi chiqish sanasi e’lon qilindi

“Garri Potter”ning yangi seriyasi chiqish sanasi e’lon qilindi

Ushbu kartina yetti fasldan iborat.
15:12 / 24.02.2024
Nega ba’zilar ko‘p ovqat yesa ham semirmaydi?

Nega ba’zilar ko‘p ovqat yesa ham semirmaydi?

Mutaxxasislar buning sirini ochishdi.
11:19 / 25.02.2024
Dehqonobod va Xiva tumanlariga yangi hokimlar tayinlandi

Dehqonobod va Xiva tumanlariga yangi hokimlar tayinlandi

Sherzod Shokirov Qashqadaryo viloyatining Dehqonobod tumaniga, Sardor Palvanov Xorazm viloyatining Xiva tumaniga hokim etib …
10:25 / 25.02.2024
Britaniya Ukrainaga 311 million dollar miqdorida yordam yuboradi

Britaniya Ukrainaga 311 million dollar miqdorida yordam yuboradi

Buyuk Britaniya kelgusi yil davomida Ukrainaga 245 million funt sterling (taxminan 311 million dollar) miqdorida yordam yubo…
17:22 / 24.02.2024
Yanvarda O‘zbekistonga qaysi davlat fuqarolari davolanishga kelgan?

Yanvarda O‘zbekistonga qaysi davlat fuqarolari davolanishga kelgan?

Shundan eng yetakchisi 4,8 ming nafar bilan Tojikiston davlati hisoblanadi.
10:46 / 25.02.2024
O‘zbekistonda sanoat mahsulotlari ishlab chiqarish 6 foizga oshdi

O‘zbekistonda sanoat mahsulotlari ishlab chiqarish 6 foizga oshdi

Shuningdek, mazkur tarmoqda mahsulot ishlab chiqarish 6,7 foiz oshgan.
10:30 / 25.02.2024
23-fevral kuni “Madaniy meros – Italiya va O‘zbekiston o‘rtasidagi ko‘prik” media-tadbiri bo‘lib o‘tdi

23-fevral kuni “Madaniy meros – Italiya va O‘zbekiston o‘rtasidagi ko‘prik” media-tadbiri bo‘lib o‘tdi

Tadbir doirasida yangi “O‘zbekiston madaniy merosi Italiya to‘plamlarida” kitob-albomining taqdimoti o‘tkazildi.
15:07 / 24.02.2024
Koreya Respublikasida noqonuniy bo‘lib turgan o‘zbekistonliklar ogohlantirildi

Koreya Respublikasida noqonuniy bo‘lib turgan o‘zbekistonliklar ogohlantirildi

Koreya Respublikasida noqonuniy (nolegal) bo‘lib turgan yurtdoshlarimiz 2024-yil 29-fevralgacha ushbu davlatdan chiqib ketis…
17:06 / 25.02.2024

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!