“Mehnat bozorida amalga oshirilgan chora-tadbirlar natijasida 5,4 mln aholi daromadli mehnat bilan ta’minlandi”, – deb xabar bermoqda vazirlik matbuot xizmati. Shundan 1,3 mln nafari doimiy ishga joylashtirilgan bo‘lsa, 2,1 mln nafari esa tadbirkorlikka jalb qilingan.

Kichik va o‘rta biznesni qo‘llab-quvvatlash maqsadida 134 trln so‘m kredit mablag‘lari ajratildi.

Vazirlik ma’lumotiga ko‘ra aholi bandligini ta’minlash maqsadida quyidagi loyihalar amalga oshirilgan:

– “Kambag‘allikdan farovonlik sari” dasturi doirasida 761 mingta oilaning (3,2 mln aholi) imkoniyatlari va ehtiyojlari o‘rganilib, ular uchun “individual rejalar” ishlab chiqilgan. Ushbu rejalar asosida 523 mingta kambag‘al oila (2,3 mln aholi) daromadini oshirishga qaratilgan xizmatlar bilan qamrab olingan.

– Kambag‘al oilalarning tadbirkorlik tashabbuslarini qo‘llab-quvvatlash maqsadida 2,2 trln so‘m kredit ajratildi va 265 mlrd so‘m mablag‘lar moliyaviy ko‘mak sifatida berilgan.

Shuningdek, mahallalarda hokim yordamchilari tashabbusi bilan 410 mingga yaqin mikroloyihalar ishga tushirilib, 840 ming nafar aholining daromadi oshirilgan.

• Bandlik
• Hisobot
• Loyiha
• Vazirlik