XAMAS rossiyalik asirlarni ozod qiladi. Bu haqda XAMAS oliy siyosiy rahbariyati vakili Abu Marzuk ma’lum qildi. Uning qo‘shimcha qilishicha, Rossiya fuqarolarini qaytarish Isroil bilan tuzilgan kelishuvdan tashqari amalga oshiriladi: “Bugun biz prezident Putinning siyosiy pozitsiyasi uchun minnatdorchilik belgisi sifatida Rossiya fuqaroligi bilan garovga olinganlarni ozod qilamiz”, degan u o‘z nutqida.

Tashqi ishlar vazirligi Rossiya va XAMAS o‘rtasidagi aloqalarning maqsadi ikki fuqarolikka (Isroil va Rossiya) ega bo‘lgan asirlarning hayotini saqlab qolish ekanligini aytib o‘tgan.
Mavjud ma’lumotlarga qaraganda Rossiya XAMASdan ozod etilishini so‘ragan garovdagilar soni taxminan 8-10 kishini tashkil qiladi.

Isroil hujumlari boshlanganidan beri G‘azo sektorida halok bo‘lganlar soni 16 ming kishidan oshdi, 35 mingdan ortiq kishi jarohat olgan. Rossiya elchixonasining xabar berishicha, mojaro avj olgan paytda 20 nafar rossiyalik halok bo‘lgan, ikki nafari garovga olingan, yetti nafari bedarak yo‘qolganlar ro‘yxatiga kiritilgan. Turli manbalarga ko‘ra, 150 ga yaqin isroillik XAMAS tomonidan asirda bo‘lishi mumkin. Harakatning o‘zi G‘azo sektorida 200-250 ga yaqin mahbus borligini ma’lum qilgan.

• Falastin
• Isroil
• Qurbon
• Rossiya